Mir gefällt hei 3 am Beschten,
lo ass at awer an de verschiddene Länner ënnerscheedlech,
an Indien kommen se Dir noogelaaff a jäitzen ,"Foto, Foto", déi eng haalen d'Hand op, aaanerer déi ee freet verlaange guer näischt a si geéiert,
ech hu meeschtens gefroot, awer och Momenter opgeholl wou ech kee gefroot hunn, ech mengen dat ass e perséinleche Feeling,
mee maach der keng Illusiounen, hei op PG, hunn sou Biller kee groussen Uklang, schued!!!
et si mol och eemool gutt Fotografien vun sou enge Biller op dësem Site öfters refuséiert ginn.
Bon, et ass awer ëmmer erëm schéin dem shingo seng Reportagen kucken ze goen!!
Hei si mer sou wäit, dass , wanns de engem weiderhëllefe wëlls als dommen Klugscheisser dohi gesstallt gëss

Woubäi den Toun d'Musek mecht mischii. Däin Tip u mech virun e puer Wochen fir eng niddreg Blend bei Nuetsfotoen ze benotzen fir deen "Stäreneffekt" an d'Stroossenluuchten ze kréien hun ech mat Dank opgeholl an emgesaat (kukk meng lescht Nuetsfotoen hei). Ech hun d'Art a Weis wéi's Du mir daat gesoot hues iwerhaapt net "Oberlehrerhaft" opgeholl an sin der lo nach dankbar. Idem dem gaga fir säin 'perséinlechen' Tutorial iwert Histogrammen. Mee et gett der schon och déi e bessen méi Klugscheisseresch riwer kommen, op gewollt oder net siew mol dohinner gestallt.

Merci Paul, ech war da frou fir ze hëllefen, an daat ass och a mengem Sënn,
fir als Klugscheisser tituléiert ze ginn brauch ech mer am Moment keng Suergen ze maachen
ech hun elo e Resultat vun Esch:
Bronze Fiap Medaille vum Salon internatinal, ech sinn aus dem Häischen!


ech invitéiren iech all fir de 14te Juni op Esch, fir mat mir ze feieren

Super!!! Daat freet mech lo zwar fir Dech! Wéi eng Foto war daat?

Häerzlech Gratulatioun Michèle, ech fréë mech mat dir

Merci mischii,
majo ech kennen déi ennerschiddlech Reaktioune vun de Leit och. Heinsdo weess een eben leider net, ob et elo richteg oder falsch ass, d'Kamera drop ze haalen nemmen fir eng flott Foto. Ech sinn einfach nach net sou waarm gin mat dem Genre vu Foto, mee mat der Zäit kennt dat hoffentlech

Jo, wann een op sou Plaatzen ass, begeeschteren eis einfach d'Leit, an e bessi huet eenn dann en ellent Gefill hinne mat der Camera nozerennen.
Hei dann nach eng kleng Anekdoot:
Zu Delhi haat ech Jugendlecher gefroot fir eng Foto, si waren d'accord, duerno hunn ech awer missen mat jidderengem vun hinne poséiren fir hir Biller, an si hun sech doud gelaacht, well e blonde Mënsch aus dem Westen , war och fir si eng Attraktioun, et war e bessi e komescht Gefill, mee finalement hunn ech geduecht, lo hätt ech och hinnen eng Fotofreed gemaach

Mäin fav ass déi zweet, an waat Deng Fro betrefft, do huet d'mischii mengen ech ausführlech geentwert. Ech hun des Lescht op der Plëss en Strossenverkeefer wollten knipsen, hun meng Duechter gebieden him eppes klenges (en Armband) oofzekaafen an hun hien dunn gefroot op ech en dirft fotograféieren. Do konnt hien jo baal net Neen soen... Sou haat de gudden Mann e puer € an ech meng Foto

Merci

Ech war eng Zäit guer nët aktiv hei an hun dech nees entdeckt, wëlls de grad ageloggt wars.
Déi 3 sin suggestiv intressant, du hues all Kéier de Bléck vun de Kanner! Déi 2. ass déi déi mir am meeschten bedeit (d'Kand kuckt grouss an d'Welt, d'Mamm ass a Gedanken...), allerdéngs feelt et eng Grimmel u Schäerft, och wann dat bei esou engem Sujet wierklech nët dat Wichtégst ass.

Merci Jean-Jos
Ech ginn dir Recht mat der Schäerft. Do ass et heinsdo net ganz evident, well een séier muss sinn. Eng Sekonn ze spéid an et gëtt sech ewech gedréiht oder ewech gekuckt