Nikon huet eng nei DLSR an der Ufänger-Gamme virgestallt. Hei d'Iwwersiicht vun der D3200
-24MP DX Format CMOS Sensor
-ISO 100-12800
-1080p/30 Video
-4 fps am Mode Rafale
-920k Pixel LCD
-Ka mat der neier WiFi Unit WU-1a benotzt ginn. (60 Dollar)
Disponibel ab Enn Abrëll fir 700 Dollar.

Weider gëtt et en neit Objektiv. D'Nikkor 28mm f/1.8 G ass e Wäitwénkel Vollformat Objektiv. Op engem Krop-Sensor wéi dee vun der D3200 gëtt doraus dann en 42mm equivalent Objektiv. Et ass ze kréien ab Enn Mee fir 700 Dollar.

[via: nikonrumors.com, dpreview.com]

Naja, net grad: an Zukunft wärt ech d'Technik News op eisen Twitter Account photogenlu posten.
Dir kënnt op der do Adress selwer d'News liesen, oder, wat vill méi praktesch ass, en Account do opmaachen an d'News direkt op den Computer oder Telefon geschéckt kréien. Eng ganz Rei vu Leit vu Photogen si schonn op Twitter ugemellt.
Op dëser Plaz kommen an Zukunft just nach déi méi grouss News, also wann zB eng nei wichteg Kamera virgestallt gëtt.

Sony
Sony huet dëse Mount d'A57 SLT virgestallt. D'Nofolgerin vun der A55 bleift der 16MP Opléisung trei, awer den ISO geet elo bis 16 000. Den Mode Rafale leeft elo bei 12fps an den AF Sytem gouf verbessert, mat 15 AF Punkten an der Fähegkeet während dem filmen séier ze fokusséieren. De Video kënnt am HD, bei 60p/60i a 25p. De Präis läit bei 700 Dollar fir de Boitier eleng. Den Apparat kënnt de 16. brëll op de Marché.

Zeiss
Carl Zeiss huet offiziell en neit Wäitwénkel Objektiv ugekënnegt. Den Distagon T* 2,8/15. Ze kréie mat EF oder F Bajonett. Ab Mee 2012 dierft der iech dat gutt Stéck knapp 2148€ kaschte loossen.

Adobe
Den Photoshop CS6 ass elo als Beta Versioun disponibel fir gratis ze testen. Dir braucht eng Adobe ID fir de Programm direkt vun www.adobe.com erof lueden ze kënnen. Hei ass en Video wou den Russel Brown 6 vu senge neie Lieblinsfeatures virstellt: http://www.youtube.com/watch?v=PTYcRWPsZUg

E Samschden den 24. Mäerz hate mir zu Jonglënster eis ordinär Generalversammlung, an zwee Vertrieder vun Photogen waren och Mëttes schonn op d'Generalversammlung vun der FLPA. Hei dann déi wichtegst Saachen déi et dozou ze mellen ginn:

- Vun elo un ass den Tom Ewert och Member am Comité vu Photogen.
- Den Johny Goerend an de Jean-Claude Berens sinn an de Jury vun der Federatioun opgeholl ginn.
- Et geet endlech viru mat eisem Sall, vu dass elo eng ganz nei Beschichtung gemaach ass, déi just nach drechnen muss an duerno kënne mer kucken wat mer als läscht Schicht drop leeën.
- Photogen organiséiert 2012 de Salon National vun der FLPA, méi Informatiounen dozou kommen geschwënn.

A weider geet et mat den News dës Woch! No enger relativ kuerzer Public Beta Phase huet Adobe elo de fäerdegen Lightroom 4 eraus bruecht.

Et gëtt en neie Modus fir Photobooks ze kreéieren, Video Fichieren ginn besser ënnerstëtzt, et gëtt en neie Modul fir Geotagging a Verbindung mat Google Maps, an natierlech ginn déi neitste Kamera Modeller ënnerstëtzt, zB. Canon 1DX an Nikon D4. Et gëtt elo och d'Méiglechkeet fir Soft Proofing ze maachen, d.h. um Bildschierm (soft proof) ze gesinn wéi d'Bild ausgesäit wann et bis gedrockt gouf (hard proof).

An um Präis gouf och halbéiert! D'Standard Versioun kascht 109€, fir 62€ kritt een de Programm wann ee Student ass (oder Proff, hehe).

Links:
Review op PDN
Review op DPReview

(via dpreview.com, @photoshop (Twitter))

Voilà, do hu mer jo de Stuerm. Oder awer nëmme frësche Wand? Vläicht ass d'MkIII net grad esou e "Game-Changer" wéi d'MkII et war, mä et ass en zolitten Upgrade deen sech e puer Tricken bei der EOS 1DX ofgekuckt huet.

Bannendran
-22.3MP Full-Frame Sensor (MkII: 21.1) mat Mikrolens Design vun der 1DX
-Digic 5+ Prozessor (17x méi séier wéi den Digic 4 an der MKII)
-61-Punkt AF Sensor wéi en an der 1DX zum Asaz kënnt. De Fokus System an der 5DMKII huet ëmmerhin schon 8 Joer um Bockel also war dat hei fälleg.
-63-Zone Beliichtungsmiessung
-ISO 100-25600 (erweiderbar op 50-102400) Se ass 2 Blende méi liichtempfindlech wéi d'MkII.
-6 fps am Burst Modus (MkII: 4fps)
-3.2" LCD (1.04 Millioune Bildpunkten)
-100% Viewfinder (d'5DMkII hat ee mat 98%)
-CF & SDHC Kaarteslots

Video
-H.264 1080p24/25/30, 720p50/60
-Stereo Mikrofon. Anscheinend ass den Soundsystem staark verbessert ginn. (Ech hunn den Sound deen d'5DMkII opgeholl huet grujeleg fonnt wéinst dem staarke Rauschen.)
-Kopfhörer Uschloss fir dass ee während dem Filmen kann no de Levels kucken.
-Während dem Filmen reagéiert dat hënnescht Riedchen op Beréierung. Esou kann een Astellungen änneren ouni Klickgeräischer fäerten ze mussen.
-Intraframe Kompriméierung.
-Den Vincent Laforet ass net esou begeeschtert vun den neie Video Funktiounen. Hiet zitt d'Schlussfolgerung dass fir Videografen d'C300 e vill méi interessanten Apparat ass.

Ergonomie
-Nei Knäppercher, deelweis Gimmick, deelweis nëtzlech. Gudd fannen ech den LiveView Knäppchen wéi e scho bei der 7D zum Asaz koum. Den Multi-Funktion Knäppchen beim Shutter schéngt och praktesch ze sinn.
-Verbessert Ofdichtung fir géint d'Elementer ze schützen

Disponibilitéit
3,500$ ab Enn Mee. (Zur Erënnerung: d'5DMkII koum 2008 fir 2700$ eraus.)

Weider Links:
Hands-on mat Video op dpreview.com
Gizmodo vergläicht d'5DMkIII mat der MkII, 1DX, Nikon D800, D4 a Sony A900.

Weider Accessoiren
Canon huet zesummen mat der 5D MkIII e puer weider Saache virgestallt.

-Den Speedlite 600EX-RT ass den éischte Blëtz vu Canon mat agebauter Funk Technologie. Guide Number: 60 @ ISO100 & 200mm Zoom. 630$. (Den 580EX II hat en RRP vun 500$.)
-Den Speedlite ST-E3-RT huet Funk kann bis zu 15 Blëtzer bis op eng Distanz vun 30m steieren. 470$.
-Canon Wireless Transmitter WFT-E7, 760$
-GPS Receiver GP-E2, 390$
-Battery Grip BG-E11, 490$.

via: petapixel.com, dpreview.com, gizmodo.com, canonrumors.com

Déi lescht News sinn nach net esou lang hier mä d'nächst Woch kréie mer wuel eppes méi ze berichten. D'Rou virum Stuerm also.

Pocketwizard huet nei Blëtzausléiser virgestallt. Den PocketWizard Plus III kann 4 Gruppen via 32 Kanäl usteieren bei bis zu 14.5 fps. Par rapport zum Plus II koum och en LCD Schierm dobäi fir d'Steierung ze vereinfachen. Se sinn och 30$ méi bëlleg wéi hir Virgänger. Fir méi Infoe schécken ech iech bei ee vun de Spezialisten vun der Blëtzfotografie: http://strobist.blogspot.com/2012/02/pocketwizard-...

Adobe: Bei PetaPixel kritt der e Preview vun dem neie Move Tool am Photoshop CS6: http://www.petapixel.com/2012/02/14/a-sneak-peek-a...

via dpreview.com, strobist.com, petapixel.com

Leider ass eis e klenge Feeler ënnerlaaf mat der Ofstëmmung vum aktuelle Concours "Food Photography". Hei duerch war nach de System aktiv vum läschte grousse Concours wou aner Regele gegëllt haaten. Ëntschellegt eis dat w.e.gl.!

D'Ofstëmmung ass haut de Moien erem komplett op 0 gesat ginn an dofiir biede mer déijeneg, déi schon oofgestëmmt hunn, dëst ze widderhuelen.

Vill Spaß beim ofstëmmen an merci fir Äert Verständnis!

Rouse si rout,
Veilche si blo,
De Gloda schafft och haut
An d'News sinn lo do.
(Gutt dass ech Fotograf an net Dichter sinn, heh?)

Software
Nikon huet ViewNX 2.3.0 eraus bruecht. An Camera Control Pro 2.10. An d'Wireless Transmitter Utility 1.3. An Capture NX 2.3.0. Déi sinn nawell fläisseg do.

Canon huet och eppes neies bruecht, déi Kéier fir OSX User: EOS Utility 2.10.4 fir 10.6.8-10.7.

DxO Optics Pro ass bei der Versioun 7.2 ukomm. Nei Kameraen ginn ënnerstëtzt an et kann een Donnéen vun der Versioun 6 importéieren.

Phase One Media Pro ass elo bei der Versioun 1.2.

Vu Corel gëtt et eng nei RAW Entwécklungssoftware: AfterShot Pro. Si hate jo Bibble Labs opkaf. Mac, Linux a Windows. 99$.

Vun Oloneo gëtt et eng nei HDR Software. Se heescht HDRengine. Tone Mapping an HDR Erstellung ginn domat nach méi einfach, fir dass nach méi Leit hei op PG hir Fotoen verschandele kënnen.

Lightroom ass bei der Versioun 3.6 ukomm. An... psst... Lightroom 4 Beta ass do. Vill Spaass :)

Hardware
Aus eiser Serie vun Objektiver mat Nimm déi kee Mënsch ausschwätze kann, haut: Tokina AT-X 116 PRO DX II. Dëst 11-16 f/2.8 Objektiv krut par rapport zu sengem Virgänger e Silent Drive Modul, an domat Autofokus op allen Nikon Apparater. Donieft nach e puer optësch Verbesserungen. Nikon Versioun ab Abrëll, Canon ab August. Nach kee Wuert zum Präis.

Tamron stellt en Vollformat 24-70 2.8 Objektiv fir (Di VC USD). Mä si soten nach näischt doriwwer wéini et kënnt a wat et kascht. Sou geet et natierlech och. U sech wir et awer flott ze wësse wat de Präispunk ass, well:

Canon ersetzt ee vun hiren populärsten Objektiver. Ab elo kritt een den 24-70 2.8L II. Virgänger: 1275€. Neie Modell ab Abrëll fir 2299€. o0 D'Objektiv krut en neien optëschen Design a gouf mat Swarowski Diamante besat. (Anescht kann ech mer de Präis net erklären.) Hei e Verglach vun den 2 Versiounen: http://www.canonrumors.com/2012/02/canon-ef-24-70-...

Vu Canon kommen och 2 nei Objektiver mat fixer Brennwäit. Zum engen den 24 2.8 IS USM an zum aneren den 28mm 2.8 IS USM. Ech kennen hei d'Präisser nach net.

Lensbaby stellt den Edge 80 Optic fir. Domat kann een eng Rei vun hiren existéierenden Objektiver an en Tilt Objektiv verwandelen. 80mm, 300$. "Hä?" Guckst du hier.

Sigma huet decidéiert dass 6400$ fir d'SD1 vläit awer eng Grëtz zevill war. Den apparat kascht elo nëmmen nach 3300$ an heescht dann SD1 Merrill.

Vu Sigma kënnt dann och en neit Macro Objektiv. Den APO Macro 180mm F2.8 EX DG OS HSM. Op der CES zu Las Vegas haten se souguer en Prototyp dobäi. Mä deen hunn se während der Show "verluer". Ups.

Canon huet Beispillbiller vun der 1D-X verëffentlecht. http://web.canon.jp/imaging/eosd/samples/eos1dx/

DataColor verkeeft elo d'Versioun 4 vun hirem Spyder Bildschirmkalibréierungsamoossscannerspannentruc. 26% méi präzis wéi den 3. 119$ fir d'Express Versioun, 249$ fir d'Elite Versioun.

via: nikonrumors.com, gizmodo.com, dpreview.com, canonrumors.com

Nikon huet gëschter d'D800 SPigelreflexkamera virgestallt. Hei e puer technesch Detailer vum Apparat deen e mat enger klenger D3x vergläiche kéint.
-36.3MP am FX Modus - déi héchst MP Zuel op engem Spigelreflex 35mm Sensor bis elo.
-Pixelgéisst um Sensor: 4.88 microns (op der D4: 7.3). Méi kleng Pixel verursaache méi Bildrauschen.
-ISO 100-6400 (ka bis op ISO 25,600 gepusht ginn.)
-91k RGB 3D color metering (wéi op der D4)
-51-Punkt AF System
-3.2 Zoll LCD Bildschirm
-4fps am kontinuelle Modus, 5fps wann een op DX ëmschalt
-1080p/30 HD Video, h.264 bis 20 Minutten
-Méiglechkeet onkompriméierten 8-bit 4:2:2 Video opzehuelen mat externem DVR
-Agebauten 2-Bild HDR Erstellung
-Magnesium Alloy Boitier. 1000g, dat sinn der 75 manner wéi d'D700
-Agebautene Blëtz funktionéiert als Master
-CF an SD Kaarten
-Live View
-3000$ ab März
-Och erhältlech als D800E, ouni Lowpass Filter (méi schaarf, mä keen Anti-aliasing, 3300$)

Links:
[url=http://www.youtube.com/watch?feature=player_embedded&
v=6rEIam8uQ50]Video Produkttour (Nikon Australia)[/url]
Joy Ride by Sando - e Kuerzfilm mat der D800 gedréint.
Hands-on preview vun dpreview
Linksammlung op nikonrumors.com

via: petapixel.com, dpreview.com, gizmodo.com

Endlech ass et esou wäit, d'Gewënner sti fest vun eisem groussen Concours wou den éischte Präis 1 Joer laang gratis Fotobicher bei foto.lu war, den zweete Präis eng Foto op Plexiglas 80x120 an den drëtte Präis eng Foto op Alu-Dibond oder Toile 70x105.

Zur Erënnerung: Et sinn ëmmer déi 3 Fotoen aberechent ginn, an ween mat senge Fotoen déi héchste Moyenne erreecht huet, huet gewonnen.

Hei dann de gesamte Ranking:

1. Focus
2. Silex
3. abrissreif

4. Sirius
5. kola
6. Miau
7. marischen
7. Metalbambi
7. ClaudeR
7. BlackPanther
7. suraki
12. mmphotos
13. He-Lx
14. mischii
15. Jeanny
16. pixelfern
17. Abacab
18. Locke
19. SBCriss
20. Marmag
20. gtaddei1
22. kicker
23. Dynax
24. Kleent
24. gogo
24. diddylux
27. Jeje
28. Magic
29. djmoses
29. jekyll
31. Val
32. Susanne
33. tennes
34. abrakadabra
35. pollux
36. Zodiac
37. Michelp88
38. eye-like
38. Klod_Jektiv
40. rocksta
40. Charly_Ente
42. Gibbes
43. Posanias
44. rockstarnailbomb
45. rivende
46. DiGGi
47. Theodor

Fir déi déi sollten norechnen: Op Plaz 3 an 4 haten mer e Glaichstand, do huet eis Jury sech dann an enger eenzelner Ofstëmmung nach fir dës Reihenfolg dann entscheed :)

Dir sidd all vill ze vill léif mat mir. Ech kréien iwwert eng Woch laang net mat dass d'Nikon D4 annoncéiert gouf an dir sidd all ze héiflech fir iech ze beschwéieren dass nach keng News driwwer komm sinn. Mat Verspéidung dann hei e puer Infos iwwert dat neit Flaggschëff vu Nikon, déi se als Multimedia DSLR bezeechnen.
-16MP
-10fps (oder 24fps wann ee mat 2.5MP schafft. Mä da schellt dono d'Police well d'Noperen eng Mitraillette héieren hunn.)
-Ethernet Uschloss
-91,000 Pixel Mooss-Sensor. Deen erkennt och Gesiichter. Dir kënnt jo an de Kommentaren schreiwen ob der dat nëtzlech fannt.
-verbesserten AF Sensor (méi liichtempfindlech)
-ISO bis 204,800. Ech muss ëmmer zweemol kucken ob ech mech net an den Nulle geiert hunn.
-méi Knäppercher! (Ech hu mer soe gelooss d'Canon 5DMkIII kritt eng Querz Tastatur.)
-beliicht Knäppercher. Cool! Op d'mannst fir déi Zäit wou een Knäppercher nach net auswenneg kennt an am Däischtere schaffe muss.
-XQD Späicherkaarten. D'D4 ass den éischten Apparat deen dës nei Kaarten ënnerstëtzt. Déi éischt si vu Sony an se sinn séier, z.B. kann een 100 RAW Biller "en rafale" fotograféieren an se kënnt nach no. 1Gbps. Fräck.
-CF Kaarten hëllt se awer och nach.
-1080p30 HD Video bis 24Mbps onkompriméiert.
-Boitier eleng: 6000$ ab Februar. Also wann an der Gemeng Käerjeng jiddereen 50 Cent bäileet kënne mer eis eng fir d'ganz Gemeng kafen. Ech géif se och versuergen.

Gläichzäiteg huet Nikon nach e puer Saachen annoncéiert.
-Eng vu Grond op nei designt Versioun vum AF-S Nikkor 85mm f/1.8G gët et mat der D4 zesummen als Kit oder eenzel ab Mäerz fir 499$.
-Den Nikon WT-5 Wireless Transmitter schéckt är Fotoen ouni Kabel op e Computer wéi een et scho vun der Virgängerversioune kennt.

Et kann een se bei Amazon virbestellen. Äh, nee. Pardon. Dat konnt een. Während zwou Stonnen. Du war se ausverkaf.

via:
dpreview.com
nikonrumors.com
chasejarvis.com
gizmodo.com

Et hu vill Leit sech gefrot wéi laang Annoncen iwwerhaapt aktiv bleiwen, an och gemengt dass et géing stéieren dass een net géing gesinn wéi al se wir d.h. et wéisst een net ob et nach e Wärt hätt sech ze mellen bei dem jeenechen. Dofir muss een vun elo un seng Annonce all 2 Wochen revalidéieren, sollt een dat net maachen dann gëtt d'Annonce automatesch geläscht. Fir dëst ze maache kritt een automatesch eng System Noriicht. Esou ginn esou wuel Annonce geläscht vun net-aktive User, wéi och déi wou Material z.B. schonn verkaf ass, well den User dann drun erënnert gëtt an hien se bequem läsche kann.

Dat ganzt an der Hoffnung dass dëst den Annoncen-Deel e bëssen verbessert ... :)

(Ab muer muss dann mol all Annonce déi aktuell am System ass eng Kéier revalidéiert ginn, d.h. vill vun iech gesinn direkt wéi et geet)

Lo si se erëm do, d'Feierdeeg zum Enn vum Joer. Mir wënschen Iech alleguer dass Dir dës Deeg vill Freed hutt, an déi Objektiver an Apparater geschenkt kritt déi dir wollt :). An natierlech och e gudde Rutsch an d'Joer 2012, wou mer op vill nei flott Fotoen gespaant sinn.

Denkt un eise Concours, fir deen muer Deadline ass: http://www.photogen.lu/?page=contest_index

Wat huet sech a leschter Zäit an der Fotografie a Saachen Hardware a Software gedoen? Ech ginn iech eng kuerz Iwwersiicht falls der muer nach eppes wëllt op är Lëscht fir de Kleesche schreiwen.

Sigma wärt eng onstabiliséiert Versioun vum 17-50mm 2.8 EX DC HSM fir Sony a Pentax eraus bréngen. Déi meescht Fotoapparater an deem Format hunn nämlech mëttlerweil agebaute Bildstabilisatioun. Ab dem 9. Dezember kritt der also fir de selwechte Präis en Objektiv wat eppes manner huet. Yeah!

Nikon huet den SB-900 Blëtz duerch den SB-910 (550$ RRP) ersat. Vill huet sech net geännert. Den Display ass e bëssen anescht, ee Knäppchen huet gewiesselt an d'Iwwerhëtzungswarnung ass méi nëtzlech ginn. Et sinn elo och haart Filter dobäi fir d'Faarftemperatur ze wiesselen. Also sou zimlech dat selwecht wéi virdrun, just 55$ méi deier. Mä hey, neie Knäppchen a sou.

Nikon huet e puer Nikkor 1 Zoom Objektiver en Firmware Update offréiert. Betraff sinn folgend Modeller: 10-30 3.5-5.6, 30-100 3.8-5.6, 10-100 4.5-5.6.

Nikon huet fir Windows 7 a Windows Vista den Nikon NEF Codec op d'Versioun 1.12 aktualiséiert. De Codec gëtt benotzt fir am Windows Explorer Thumbnails unzeweisen.

Nikon huet d'Versioun 2.2.3 vum ViewNX eraus bruecht. Et goufen e puer Bugs eraus geholl.

Canon huet d'Cinema EOS C300 virgestallt. Et ass eng Filmkamera mat der EOS Montur. Den Präis war fir d'éischt bei 20000$ ugesat ginn mä ech mengen en ass schonn no ënne revidéiert ginn. Fir d'Fotografen ënnert eis ass dat net sonnerlech interessant mä vill Indie-Regisseuren wäerte sech freeën eng erschwénglech Kamera déi gutt an der Däischtert a mat (ë.a.) EOS Objektiver funktionéiert benotzen ze kënnen.

Vu Samyang kritt een geschwënn eng nei Versioun vum AE 8mm 3.5 Aspherical IF MC Fisheye CS Objektiv fir Nikon. Déi nei Versioun huet e Microprozessor a kascht 325€.

DxO Labs huet Optics Pro 7 eraus bruecht. Säit enger knapper Woch ass de Programm deen e gudd Stéck méi séier wéi d'Versioun 6 soll sinn ze kréien. Wann der d'Versioun 6 no dem 1. September kaf hutt ass den Update gratis.
Weider gëtt et vun DxO Labs den FilmPack 3.1, e Programm mat deem ee verschidden Zorten vun Analogfilm kann imitéieren. (Präisser bis Chrëschtdag: 49$ fir Essential, 99$ fir Expert.)

Vun Carl Zeiss gëtt et en neien Distagon T* 2/25 fir Canon an Nikon. D'Objektiv huet manuelle Fokus a kascht ronn 1400€.

Lytro huet hir éischt Kamera virgestallt. Vum Format hir gesäit se aus wéi e Rechteck aus engem Baukasten gekräizt mat engem Lëppestëft. Zur Erënnerung, dat hei ass déi éischt kommerziell Light Field Camera. E Modell dee Plaz fir 350 Fotoen huet kascht 400$. Ze kréien ab Ufank 2012.

Canon huet d'Firmware Versioun 2.1.1 fir d'5DMkII verëffentlecht deen e Bug mam Continuous Shooting soll behiewen.

Apple huet Digital Camera RAW à jour gesat. Mat der Versioun 3.9 ënnerstëtzen Aperture 3 an iPhoto '11 e puer Fotoapparater méi.

Vun Adobe gëtt et d'Release Candidates fir den Lightroom 3.6 an Adobe Camera RAW 6.6. Ween sech net gedëllege wëll bis se offiziell fäerdeg sinn kann se also schonn vun Adobe eroflueden. Et ginn e puer nei Fotoapparater ënnerstëtzt.

ArcSoft huet Perfect365 eraus bruecht. Mat dem gratis Programm kann ee mat engem Klick Biller manipuléieren. Perfekt vir déi Leit déi sech keng Gedanken iwwert hir Biller wëlle maachen. (Fir déi kënnt d'iPhone App och no. An d'Facebook App.)

Mir hunn haut eis nei "Iwwert eis" Säit online gesat, wou mer ënnert anerem och eng kleng History agebaut hunn fir Leit déi wëlle wësse wat sou an de läschte Joren gelaf ass.

Des weideren hu mer do och beschriwwen wourëm et op Photogen geet, esou kann dat net méi falsch verstane ginn :)

Nei "Iwwert Eis" Säit kucken